Castellano Galego
Castellano Galego
Non sei se comenzar falando da Feira do libro de Lugo, ou simplemente non merecerá a pena. Pasei un par de días polas casetas e a verdade é que, sin coñecer cómo foron as vendas, ó resto é bastante desolador. Gustaríame que algún ano se fixera algo diferente, que o programa ofrecera, por exemplo, máis actividades para os adultos; gustaríame que a feira fose algo máis dinámico e participativo; gustaríame que mercar non fose o único obxectivo.
Exemplos hainos a moreas. Miren, esta fin de semana, hai festa en Serralves e coincide coa feira do libro...librarías e editoriais con casetas propias e actividades para volver un ano tras outro. Non é cuestión de cartos, é cuestión de vontade e organización.
Xa saben que este blog está moi vinculado a Bookcrossing e aí veño de ler unha nova iniciativa ao respecto: o bookcrossing atlético. Divertido cando menos (grazas Kandpalleiro).
Por costume teño comentar o que ando a ler.
Aparte de que Benedetti ocupa estes días un lugar especial e sempre retomo os seus poemas por sensibles coma ningúns e francos (Poemas de otros); din cunha novela dalguén coñecido noutro eido. Trátase de Amantea, de David F. Cantero, o presentador do telediario da 1.Inda non a rematei, pero é un experimento interesante que deberei valorar ao final. Iso si, o estilo non lle "pega" nada á imaxe que da este home pola tv.
Pasen boa fin de semana logo.
