Urbanismo en Lugo

Redensificar as vilas

23/07/2007

Unha das cuestións máis de actualidade en cuestións urbanísticas hoxe en día é o concepto de REDENSIFICACIÓN DAS VILAS. ¿Qué é isto? Básicamente, consiste en demoler a vivenda pequena e cutre, de baixa calidade, e reedificar as manzanas seguindo criterios de habitabilidade e de calidade de vida. Búscase con isto, sobre todo, que os centros das vilas non queden valeiros ou se convertan en guetos, mentres que a clase media emigre cara as aforas, convertendo as vilas en “donuts”.

En Lugo, esto sería aplicable a barrios coma o da Milagrosa, o Sagrado Corazón, Paradai ou o Miño. Pero parece que só estamos sensibilizados con que hai que rehabilitar o de dentro de murallas. Esta idea pretende ir máis aló e asume que hai zonas que non ten sentido rehabilitar, senón reconstruir, seguindo criterios urbanísticos razonables e cun plantexamento global previo.

E disto non teñen toda a culpa as constructoras. O que é obvio é que estas empresas tratan de obter os máximos beneficios e punto. De modo que han de ser os gobernos quen lles poñan límites e lles impidan facer barbaridades. Pero isto é un tema longo e compricado, entraríamos xa a falar do plan xeral de ordenación urbana, da necesidade de vivenda protexida… mellor deixalo para outro día.