Urbanismo en Lugo

De escándalos urbanísticos

27/07/2007

Cando falo da falla de miras (ou de escrúpulos, que tamén pode ser) dos gobernantes, refírome a cuestións como a que se pode ver na foto. Mostra a parte de atrás da avenida das Fontiñas (antigo Carrero Blanco), vista dende o paseo do río Rato, sí, incrible pero certo, o que hai ao outro lado da estrada é un paseo xunto a un río. A imaxe fala por sí soa.

Poderíamos dicir que esta clase de situacións ocorrían antes que non se valoraba tanto o entorno, pero non nos enganemos: ISTO NON ERA ASÍ EN TODAS PARTES. A avenida das Fontiñas foi construída maioritariamente nos 90. Nesa mesma época, vilas como Vitoria estaban xa a facer zonas como a nosa Aceña, é dicir, con rúas anchas, sen murallas de edificios, e, por favor, ¡tendo en conta os desniveis do terreo á hora de consentir o número de plantas (e non permitindo rematar os edificios só por diante)!

Pero volvemos ao de sempre, OS LUGUESES NON TEMOS AUTOESTIMA. Parécenos normal que ocorran aquí esas cousas, que vaiamos á cola en cuestións estéticas, urbanísticas ou do que sexa e ¡así non se cambian as cousas!