Castellano Galego
Castellano Galego
A nosa cidade, mentres sigamos empeñados en manteñella e non emendalla, continuará sen auditorio.
Dende o principio dos tempos estaba claro que San Fernando non é o lugar axeitado, máis alá de Icomos.
Non hai aparcamentos para a xente que veña de fóra, non permite que grandes trailers das compañías poidan descargar, etc, etc.
Pero, erre que erre, cacholáns, por non dar o brazo a torcer, o tempo pasa e, supoño, que para o século XXII, con outros gobernantes, teremos posibilidades, aínda que o malo é que moitos non o imos a disfrutar...
¿ALTERNATIVAS...?
A montóns, e sempre mellores ca de SF.
Unha, a modo de exemplo:
O vello pavillón de deportes.
Céntrico.
Con bos accesos.
Non estropeamos nada, xa que agora ¡por fin! hai sintonía coa Diputación e pódese sacar proveito ao novo pavillón, que por si mesmo ou con algunha instalación complementaria ao ser redor cubre todas as necesidades de Lugo...
Por outra banda, está en trámite o PXOUM e calquera cambio é posible.
E por último, alí pódese faver un edificio singular, acorde coas vangardas arquitectónicas, que dea renome á nosa cidade, porque o terreo e o espacio permíteno e as perspectivas visuais son inmellorables. Un edificio que complemente o atractivo da nosa cidade. Un exemplo: Oporto.
1. Dende logo tes razón en que o Cuartel de San Fernando non é a millor alternativa, pero a ver quen lle mete a idea na cachola o señor alcalde, non hai maneira, ultimamente ten unha prepotencia que non é moi normal, lonxe están aqueles primeiros 4 anos de mandato no que si se lle podía dicir o que estaba mal feito.
2. Totalmente de acordo coa tua exposición, creo que o tema da ubicación en outro lugar, bulio pola mente do Goberno municipal no momento de definir a su ubicación, pero daquela, con unha plataforma pro-centro, politicamente quen lle poñia o cascabel o gato.
Así foron as cousa e agora a perder o tempo. A este paso e como non presione de verdade a cidadanía e o manden anque sexa para o poligono das Gandaras, Lugo nunca terá Auditorio de verdá.
3. ¿O auditorio en Magoi, entre edificios de vivendas...?
¿E que edificio singular se pode facer aí que marque época, se non está nun espacio aberto...?
Penso que imos a perder outra boa oportunidade e que por falta de "sentidiño común" e por cortedade de miras Lugo, unha vez máis, carecerá de algo que podía ser un referente máis alá dos nosos fuciños.
Pero, os gobernantes que temos son os que son e ao mellor son os que nos merecemos.
